Saio honetako frogak eta autoebaluazioa Moodlen daude: DIGITALIZAZIOA 2026-2027 atalean.
Orri hau edukiaren erreferentzia da.
Orain bai, izenak
Digitalizazioa ez da papera kentzea, ezta dokumentuak PDF bihurtzea ere. Enpresa, industria eta gizartea eraldatzea da, produktuak, prozesuak eta zerbitzuak teknologia digitalen bidez aldatuz.
Hiru arloak, zure sektorean
| Arloa | Adibidea zure sektorean | Zer zen lehen |
|---|---|---|
| Produktua | Fitxategia, streaming-katalogoa | Pelikula-bobina, DVDa, diskoa |
| Prozesua | Ingesta, muntaia ez-lineala, etalonajea | Laborategia, moviola, kopia fotokimikoa |
| Zerbitzua | VODa, sarrerak, materialaren maileguak | Zinema-aretoa, bideo-klub, paperezko fitxa |
Datuak: gaur egungo urrea
1. frogan ikusi duzuna ez da salbuespena: negozio-eredu bat da.
- Bilatzaileak — zer bilatzen duzun eta zer webgunetan sartzen zaren.
- Sare sozialak — zure interakzioak eta zure konexioak.
- Merkataritza elektronikoa — zer erosten duzun, noiz eta zenbatean.
- Streaminga — zer ikusten duzun eta zenbat denboraz. Netflixek ez du hori gomendioetarako baino erabiltzen: zer ekoiztu erabakitzeko ere bai.
Argazkigintzaren erraldoiak berak asmatu zuen lehen kamera digitala, 1975ean. Ez zuen bultzatu: karreteen negozioa hondatuko ziolakoan. 2012an porrot egin zuen. Ez zen teknologia falta izan; erabakia izan zen.
Zer daramagu etxera
- Digitalizatzea ez da euskarria aldatzea: mundu analogikoa zenbaki bihurtzea eta zenbaki horiekin erabakitzea da.
- Beti galtzen da zerbait. Bereizmenak eta sakonerak zehazten dute zenbat.
- Datu solteak ez dira ezer; testuinguruan jarrita, balioa dira. Horregatik daki Googlek zuri buruz zuk esan ez diozuna.
- Fitxategi orok bere datuak daramatza gainean, ikusten ez badituzu ere.
Digitalizazioa ez da papera kentzea, datuekin erabakitzea baizik.
Zer datorren
Sei ikaskuntza-emaitza daude, bloke bana:
| IE | Zer landuko dugun | Saioak |
|---|---|---|
| 1 | Digitalizazioa, 4.0 industria, IT eta OT inguruneak | S02-S05 |
| 2 | Teknologia erraztaile digitalak (TED) | S06-S10 |
| 3 | Hodeian oinarritutako sistemak | S11-S14 |
| 4 | Adimen artifiziala zure sektorean | S15-S18 |
| 5 | Datuak, segurtasuna eta zibersegurtasuna | S19-S23 |
| 6 | Eraldaketa digitaleko proiektua | S24-S27 |
Modulua eraldaketa digitaleko plan batekin amaitzen da, zure sektoreko erakunde erreal batentzat: produktora txiki bat, material-alokairuko enpresa bat, jaialdi bat edo ikastetxeko errealizazio-tailerra bera.
Ez da azken astean egiten. S10ean erakundea esleituko zaizu, eta hortik aurrera bloke bakoitzak zati bat gehituko dio planari: analisia eta AMIA S14an, digitalizatu daitezkeen arloak S18an, segurtasun-arrakalak S23an.
Saio honetako hitzak
Hiztegi osoa: moduluaren hiztegia.