Aurreko astekoa
- Zer da latentzia, eta zergatik axola du zuzeneko batean?
- Zergatik ezin izan zenuen bloke bat aldatu antzeman gabe?
- Zer ez du bermatzen blockchainak?
Saio honetako frogak eta autoebaluazioa Moodlen daude: DIGITALIZAZIOA 2026-2027 atalean.
Orri hau edukiaren erreferentzia da.
Lau teknologia, lau bikote
| Teknologia | Zer ez den ahaztu behar |
|---|---|
| Robotika kolaboratiboa | Kobotak gizakiaren ondoan lan egiteko daude eginda: hesirik gabe, pertsona detektatzen dute eta gelditu edo moteldu egiten dira. |
| Biki digitalak | Erreplika birtuala, datu errealekin elikatua denbora errealean. Ez da 3D eredu bat soilik. |
| Ikuspen artifiziala | Objektuak ezagutzeko eta sailkatzeko gaitasuna. Lehen arau sinpleak; orain machine learninga. |
| Logika lausoa | Balio absolutuen ordez (egia/gezurra) kidetza-mailekin lan egitea: 0,7 bero, 0,3 hotz. |
Hiru ideia osagarri
Kobotak: hesia kentzea
Robot industrial klasikoa kaiola batean dago, eta pertsona bat sartzen bada, gelditu egiten da. Kobota beste zerbait da: sentsoreek pertsona detektatzen dute eta robotak indarra eta abiadura doitzen ditu. Ez dago hesirik, eta biek batera lan egiten dute.
Zure sektorean: kamera robotizatuak, motordun grúak, PTZ buruak. Denak dira hurbilago kobotetik robot industrialetik baino, pertsonen artean lan egiten dutelako.
Biki digitalak: probatu ukitu aurretik
| Non | Zertarako |
|---|---|
| Industrian | Makina bat abian jarri aurretik birtualki probatzea (virtual commissioning) |
| Eraikuntzan | Eraikin baten kontsumoa eta mantentzea simulatzea |
| Osasunean | Ebakuntza bat planifikatzea organoaren eredu batekin |
| Zure sektorean | Aurrebista (previs): dekoratua, argiak, kamera-posizioak eta optika erabakitzea errodaje-egun bat gastatu gabe |
Gakoa: datuekin elikatzen da. 3D eredu bat ez da biki digitala. Biki digitala errealitatearekin sinkronizatuta dagoena da.
Ikuspen artifiziala: ikustea eta ulertzea
Lehen, arau sinpleak: piezak kontatu, kolore bat detektatu, akats bat aurkitu muntaketa-katean. Orain, sare neuronalekin, aurpegiak, ibilgailuak, errei-marrak eta jarrerak ezagutzen ditu. Zure sektorean, jada erabiltzen duzu: autofokua begia detektatuz, jarraipen automatikoa, sailkapena, rotoskopia.
Zer daramagu etxera
- Ezin zaio makinari arauz azaldu zer den pertsona bat: adibideekin ikasten du.
- Kobota gizakiaren ondoan lan egiteko dago diseinatuta; horregatik ez du hesirik behar.
- Biki digitala ez da 3D eredu bat: datu errealekin elikatzen dena da.
- Ikuspen artifizialak patroi jakin baten arabera huts egiten du, eta patroi hori zuen lan-egoerekin bat dator maiz.
Makinak ondo daki ikusi duena. Ez ikusi ez duena.
Saio honetako hitzak
Hiztegi osoa: moduluaren hiztegia.