S11 · Hodeia eta haren motak

1 · Berrikuspena 0-8 min

Aurreko blokekoa

Zer da TED bat, eta zergatik ez datoz bakarrik?
Zure fitxako teknologiak zer ahalbidetzen du lehen ezinezkoa zena?
Zergatik ez du merezi zeregin bat behin bakarrik automatizatzeak?

Frogak eta autoebaluazioa

Saio honetako frogak eta autoebaluazioa Moodlen daude: DIGITALIZAZIOA 2026-2027 atalean.

Orri hau edukiaren erreferentzia da.

3 · Edukia 35-60 min

Zer da hodeia eta zenbat mota dauden

Oinarria: birtualizazioa

Ordenagailu ahaltsu batean hainbat ordenagailu txikiago exekuta daitezke aldi berean, bakoitza bere aldetik. Horri birtualizazioa deritzo, eta hori da hodeia posible egiten duena: makina fisiko bat hamar bezerorentzat.

Ideia ez da berria —60ko hamarkadan hasi zen—, baina 2006an lehertu zen, Amazonek konturatu zenean bere azpiegitura besteei alokatu ziezaiekeela. Gero etorri ziren Microsoft Azure eta Google Cloud.

Mota	Zer den	Abantaila	Desabantaila
Publikoa	Edonorentzat eskuragarri, Internet bidez	Eskalagarritasuna eta prezioa: erabilitakoa ordaintzen da	Kontrol gutxiago datuen gainean
Pribatua	Erakunde bakar batentzat, bere instalazioetan edo alokatuta	Kontrola eta segurtasuna	Kostua eta mantentzea
Hibridoa	Bien nahasketa: kritikoa pribatuan, gainerakoa publikoan	Malgutasuna	Konplexutasuna
Komunitarioa	Sektore bereko erakundeek partekatua	Kostuak banatzen dira	Adostasuna behar da
Hodei anitza	Hornitzaile bat baino gehiago aldi berean	Menpekotasuna murrizten du	Kudeaketa zailagoa

Esaldia gogoan hartzeko

«Hodeia ez da hodei bat: beste enpresa batzuen ordenagailuak dira.»

Hodeiko zerbitzu bat erabiltzean, zure informazioa hirugarren bati ematen ari zara. Horrek ez du esan nahi txarra denik —askotan seguruagoa da—, baina bai erabaki bat dela.

6 · Itxiera 110-120 min

Zer daramagu etxera

Hodeia leku fisiko bat da, eta datuak dauden herrialdeko legeak aplikatzen zaizkie.
Birtualizazioa da oinarria: makina fisiko bat, bezero asko.
Bost mota: publikoa, pribatua, hibridoa, komunitarioa eta anitza. Ez dago onena.
Gordetzea merkea da; ateratzea ez. Eta bideoak leku asko behar du.

Hodeia ez da hodei bat: beste norbaiten ordenagailua da.

Hiztegi berria

Saio honetako hitzak

Hodei-konputazioacloud computing

Baliabide informatikoak Internet bidez eskaintzea, erabilitakoa ordainduz.

Birtualizazioavirtualización

Makina fisiko batean hainbat makina birtual independente exekutatzea.

Datu-zentroa (DPZ)centro de proceso de datos

Zerbitzariak dauden eraikina, elektrizitate eta hozte-sistemekin.

Hodei publikoa / pribatua / hibridoanube pública / privada / híbrida

Edonorentzat / erakunde bakarrarentzat / bien nahasketa.

Hodei anitzamultinube

Hornitzaile bat baino gehiago aldi berean erabiltzea.

Egressegress / salida de datos

Datuak hodeitik ateratzea, eta horrek duen kostua.

Traceroutetraceroute

Pakete batek helmugara iristeko egiten dituen saltoak erakusten dituen tresna.

Hiztegi osoa: moduluaren hiztegia.

Iturriak

Eusko Jaurlaritza, Lanbide Heziketako Sailburuordetza — 3.1 Cloud sistemen sarrera eta 3.2 Hodei motak. CC BY-NC-SA 4.0. Moreno Pérez, J. C. — Produkzio-sektoreei aplikatutako digitalizazioa II, 3.1-3.2 atalak. Editorial Síntesis, 2025. Traceroute, inbentarioa eta kostu-kalkulua: material propioa.