S16 · Nola ikasten duen — Digitalizazioa

1 · Berrikuspena 0-8 min

Aurreko astekoa

Zer motatako AA da gaur egun existitzen den guztia?
Zer da asmakeria bat, eta zergatik da arriskutsua?
Zer da ELIZA efektua?

Frogak eta autoebaluazioa

Saio honetako frogak eta autoebaluazioa Moodlen daude: DIGITALIZAZIOA 2026-2027 atalean.

Orri hau edukiaren erreferentzia da.

3 · Edukia 48-72 min

Lau modu ikasteko

Mota	Nola	Adibidea	Zure sektorean
Gainbegiratua	Adibide etiketatuekin: sarrera eta erantzun zuzena	Spam-a bereiztea; etxebizitzen prezioa iragartzea	Plano-motak sailkatzea; transkripzioa
Ez-gainbegiratua	Etiketarik gabe: sistemak berak aurkitzen ditu taldeak	Bezeroak segmentatzea; anomaliak detektatzea	Antzeko planoak multzokatzea artxibo batean
Errefortzu bidezkoa	Saritu eta zigortu: probatuz ikasten du	Jokoak; robot bat ibiltzen ikastea	Kamera robotizatu baten ibilbide-optimizazioa
Ikaskuntza sakona	Sare neuronal geruza-anitzak; ezaugarriak berak ateratzen ditu	Irudi- eta hizketa-ezagutza; hizkuntza-ereduak	Rotoskopia, denoise, upscaling, ahots sintetikoa

Hiru zirkulu zentrokide

Adimen artifiziala da handiena. Barruan, ikaste automatikoa (machine learning): datuetatik ikasten duena. Eta horren barruan, ikaskuntza sakona (deep learning): sare neuronal geruza-anitzak erabiltzen dituena.

Ez dira sinonimoak, nahiz eta egunkarietan trukatu.

Zer da entrenatzea, benetan

Eredu batek milaka parametro ditu, hasieran ausazkoak. Adibide bat pasatzen zaio, emaitza konparatzen da erantzun zuzenarekin, eta parametroak pixka bat doitzen dira errorea txikitzeko. Eta berriro. Milioika aldiz.

Zuek gaur hamabost adibiderekin egin duzuena bera da, baina eskuz eta lauzpabost araurekin.

Programazio-lengoaiak — 4. IEren e) irizpidea

Python da nagusia, alde handiz: liburutegi asko ditu (TensorFlow, PyTorch, scikit-learn) eta erraza da ikasten. R estatistikan eta datuen analisian erabiltzen da gehiago. TensorFlow eta PyTorch ez dira lengoaiak: ereduak eraikitzeko liburutegiak dira.

6 · Itxiera 112-120 min

Zer daramagu etxera

Gainbegiratua: adibide etiketatuekin. Ez-gainbegiratua: egiturak aurkitzen. Errefortzuzkoa: probatuz. Sakona: sare neuronalekin.
AA ⊃ ikaste automatikoa ⊃ ikaskuntza sakona.
Alborapena datuetan dago, ez algoritmoan, eta barrutik ez da ikusten.
Eredu batek entrenatu duen adibideen isla da. Ez gehiago.

Zure taldeak ez zuen gaizki ikasi. Datu txarrak eman zizkioten.

Hiztegi berria

Saio honetako hitzak

Ikaste automatikoamachine learning

Datuetatik ikasten duten algoritmoak, esplizituki programatu gabe.

Ikaste gainbegiratuaaprendizaje supervisado

Adibide etiketatuekin entrenatzea.

Ikaste ez-gainbegiratuaaprendizaje no supervisado

Etiketarik gabeko datuetan egiturak aurkitzea.

Errefortzu bidezko ikaskuntzaaprendizaje por refuerzo

Sari eta zigorren bidez ikastea, saiakeraz saiakera.

Ikaskuntza sakonaaprendizaje profundo

Geruza anitzeko sare neuronalak erabiltzen dituen ikaste automatikoa.

Alborapenasesgo

Entrenamendu-datuen desoreka, ereduak errepikatzen eta handitzen duena.

Clustering-aclustering / agrupamiento

Antzekoak diren elementuak multzotan biltzea, aurrez definitu gabe.

Entrenamendu-multzoaconjunto de entrenamiento

Eredua ikasteko erabiltzen den adibide-multzoa.

Hiztegi osoa: moduluaren hiztegia.

Iturriak

Eusko Jaurlaritza, Lanbide Heziketako Sailburuordetza — 4.2 Nola ikasten du AA-k? eta 4.3 AA eta datuak. CC BY-NC-SA 4.0. Moreno Pérez, J. C. — Produkzio-sektoreei aplikatutako digitalizazioa II, 4.3 eta 4.8 atalak. Editorial Síntesis, 2025. Entrenamendu-frogak eta fotograma-multzoak: material propioa.