Aurreko astekoa
- Non zeuden tranpak lau grafikoetan?
- Zer izan behar du grafiko baten tituluak?
- Zein da datu-piezaren proba onena?
Saio honetako frogak eta autoebaluazioa Moodlen daude: DIGITALIZAZIOA 2026-2027 atalean.
Orri hau edukiaren erreferentzia da.
Segurtasuna eta datu pertsonalak
| Segurtasun fisikoa | Segurtasun logikoa |
|---|---|
| Sarbide-kontrolak: kodeak, txartelak, RFIDa, biometria | Autentifikazioa eta bi faktoreko egiaztapena |
| Zaintza: zaindariak, sentsoreak, kamerak | Zifratzea, suebakiak, antibirusak |
| Arrisku naturalak: sutea, uholdea, tenperatura | Malwarea, ransomwarea, phishinga |
| Kontingentzia-plana: zer egin gertatzen denean | Babeskopiak eta leheneratzea |
Sistema guztiak zifratuta, entrega baino astebete lehenago. Babeskopiak sarera konektatuta bazeuden, zifratuta ere bai. Horregatik da hain garrantzitsua S21eko kanpoko kopia deskonektatua.
Datu pertsonalak zure lanean
Aurpegia datu pertsonala da. Ahotsa ere bai. Eta matrikula bat, eta etxe baten atea zenbakiarekin.
| DBEOren printzipioa | Zure errodajean |
|---|---|
| Xede zehatza | Zertarako grabatzen duzun: zehaztu, ez «edozertarako» |
| Datu-minimizazioa | Behar duzuna bakarrik grabatu eta gorde |
| Epe mugatua | Noiz arte gordeko duzun brutoak |
| Baimena | Irudi-eskubideen lagapena, idatzita eta ulergarria |
| Sarbidea eta ezabatzea | Nork ikus dezakeen, eta nola kentzen den norbait |
| Segurtasuna | Non dagoen gordeta eta nola babestuta |
Adingabe bat grabatzen bada, guraso edo tutorearen baimena behar da, eta babes handiagoa aplikatzen zaio. Ikastetxeko lanetan ohikoa da: aurreikusi behar da, ez konpondu gero.
Segurtasun-arrakalak arloz arlo
- Hartu S18ko arloen zerrenda.
- Arlo bakoitzarentzat identifikatu gutxienez arrakala bat lau kategoria hauetan:
- Fisikoa — nork sar daiteke non
- Logikoa — pasahitzak, sarbideak, babeskopiak
- Datu pertsonalak — zer biltzen den eta nola
- Jarraitutasuna — zer gertatzen da hori erortzen bada
- Puntuatu bakoitza: zenbat probable eta zenbat larria (1-5).
- Biderkatu eta ordenatu. Hiru nagusiak planaren helburu bihurtuko dira S24an.
Zer daramagu etxera
- Pasahitzetan luzera da gakoa, ez sinbolo bitxiak. Eta ez errepikatu.
- Aurpegia datu pertsonala da: xede zehatza, epea eta baimen ulergarria.
- Babeskopia deskonektatu bat da ransomwarearen aurkako babes bakarra.
- Zuen sektoreak aztarna handia du, eta murrizteko neurririk onenak ez dute kalitatea okertzen.
Ulertu gabe sinatutako baimena ez da baimena.
Bloke hau hemen ixten da. Ebaluatzen dena: produkzio baten datuen politika eta 60 segundoko datu-pieza (S22).
Saio honetako hitzak
Hiztegi osoa: moduluaren hiztegia.