Aurreko astekoa
- Zer da helburu bat SMART izatea?
- «ERP bat ezartzea» helburua da?
- Zein da zuen helburu estrategikoa?
Prozesuak marrazten
Prozesu bat digitalizatzeko, lehenengo ulertu behar duzu. Eta prozesu bat ulertzeko modurik onena marraztea da.
| Ikurra | Zer den | Adibidea |
|---|---|---|
| Obalo | Hasiera edo amaiera | «Ikasleak materiala eskatzen du» |
| Laukizuzena | Ekintza edo zeregina | «Erregistroan idatzi» |
| Erronboa | Erabakia: bai ala ez | «Eskuragarri dago?» |
| Paralelogramoa | Datuen sarrera edo irteera | «Fitxa bete» |
| Gezia | Fluxuaren norabidea | — |
1 · Errepikapenak — datu bera bi aldiz idaztea. Beti dago bat.
2 · Itxaronaldiak — zerbaiten zain dagoen unea: baimen bat, pertsona bat, mezu bat.
3 · Botila-lepoak — dena pertsona edo urrats batetik pasatzen den lekua.
Hiru horiek dira digitalizatzeko hautagai onenak. Eta diagrama gabe ez dira ikusten.
Arloz arlo, teknologia bat
Behin prozesuak ulertuta, arlo bakoitzari irtenbide bat esleitzen zaio. Adibide-eredua, ikus-entzunezko erakunde batentzat:
| Arloa | Funtzioa | Irtenbide teknologikoa |
|---|---|---|
| Produkzioa | Errodajeak planifikatu, zerbitzu-orriak | Plangintza-plataforma, parte digitalak |
| Materiala | Maileguak, inbentarioa, mantentzea | QR bidezko erregistroa, alerta prediktiboak |
| Platoa | Zuzenekoak eta grabaketak | Sare IPa, grabaketa multipista, tally digitala |
| Postprodukzioa | Muntaia, etalonajea, soinua | NASa, proxyak, urrutiko berrikuspena |
| Artxiboa | Amaitutako lanak gordetzea | MAMa, metadatuak, katalogo bilagarria |
| Komunikazioa | Weba, sareak, jaialdiak | Analitika, egutegia, argitalpen-plangintza |
| Administrazioa | Kontratuak, fakturak, baimenak | Dokumentu-kudeaketa, sinadura digitala |
Arlo bakoitzak bere tresna badu eta ez dute elkarrekin hitz egiten, datua hiru aldiz idatziko da. ERP batek dena datu-base bakar batean lotzen du: materiala eskatzean, kostua kontabilitatera doa bakarrik.
Hodeiko ERPak nagusitu dira: hasierako inbertsio txikiagoa, eguneraketak automatikoak, edonondik sarbidea. Trukean, S05eko lau ardatzak —menpekotasuna eta itzulgarritasuna—.
Saio honetako frogak eta autoebaluazioa Moodlen daude: DIGITALIZAZIOA 2026-2027 atalean.
Orri hau edukiaren erreferentzia da.
Zer daramagu etxera
- Prozesu bat digitalizatzeko, lehenengo marraztu behar duzu.
- Diagraman hiru gauza bilatzen dira: errepikapenak, itxaronaldiak eta botila-lepoak.
- Bide okerrak dira prozesuaren erdia, eta han gertatzen dira arazoak.
- Integraziorik gabe, tresna onak ere okerrago dira.
Marraztu ezin duzun prozesua ezin duzu hobetu.
Saio honetako hitzak
Hiztegi osoa: moduluaren hiztegia.